Schnitzelbängg

Imagine

S’isch Dunkel, aber gseh es Liecht am End vom Gang
do stohni vor de Himmelstür und ghöre Engelsgsang
Denn chunnt de Portier und seit: zum inecho
Müess i no zerscht vor de Nacktscanner stoh.

Denn git er mir sonen Firlefanz.
Schiinbar herrscht do Konkordanz.

Sin Chef wüssi, wa dune lauft.
Er heg erscht grad e CD kauft.

Jo, imagine there’s a heaven!
Täglich gäbis zwo mal Manna
Frohlocke säg from twelve to seven
Mit Halleluja und Hosanna

Jo Hallo-luja, du! Da isch jetz bitter
Aso ehrlech, i go nüme go jogge bi Gwitter!

Jetz lueg die Putenengel aa
s’wimmlet jo i dem Kibbuz
dör eu de Michael Jackson ha
oder stönd ehr unter Arteschutz?

De gnüsst doch kum die ewig Rue
dem git sis Comeback jetz no meh z’tue.

Stirbt churz devor, da armi Ma
De wird sich au schwarz gärgeret ha!

Debii muesch nur zum Gaddafi go
wörsch automatisch als Neger hei cho

Velürsch au no s’Gsicht – ganz ohni Scherz
Gsehsch meini gnau so uus wie de Moorechopf

Aber de Merz het jo gseit: Mir Schwiizer sind zäh...
...kleine Negerlein, es sind nur no sibä...

Döt une isch’s Bundeshuus und de Fleck
50 m devor isch s’Pannedrüeck

Die 7 händ d’Entscheidig gfällt
Es bruuchi gar kei Tierawält
Es fähled nämli für en Prozess
Die höche Tier vo de UBS

Jetz lueg, bi de Schwiizer Politik
Lauft alls noch System Titanic
S’isch eh egal, wer da Land führt
Will keine weiss, wer de Iisberg stürt

Wie erklärt sich denn s’dubiose
Resultat vo de Minarettprognose?
Frogsch en SP-ler:
„Wönd Si d’Minarettinitiative aneh?“ – „Nei!“
Frogsch en SVP-ler
„Wönd Si d’Minarett...“ – „Nei!“

Die Frog isch für en SVP-ler komplex
Will s’„Jo“ richtet sich geg sin natürlich Reflex.

Jasmin Hutter, willst du den hier Anwesenden...Nei!
Du Jasmin, i ha grad Bock uf...Nei!

Wie het denn die chöne schwanger werde?

Mit ere chline Textmutation
Chönntsch s’Minarettplakat no andersch nütze.
Ja zur Schweinegrippeprävention
S’zeigt Mundschutz und en huuffe Sprütze.

Im Gegesatz zum Merz und de Libyegschicht
Velürt de Berlusconi nur Teil vom Gsicht

S’isch heiss i de Villa Berlusconi
Bisch jung, hübsch und oben ohni
wirsch döt grad id Wahllischte gsteckt -
dem seisch denn ebe Triibhuuseffekt

Z’Kopenhagen schlönds Alarm
S’Klima allgemein säg zwarm
Da liggi, so us Diplomatequelle
an ere wärmere Westerwelle.

D’Chile gäb am Guido sicher de Rot,
„Sitz mal in einen Beichtstuhl“
Aber wenn er denn go biichte goht
Sind Pfärrer doch oft au ...
... gedanklich bim Prieschterseminar

E Frau will e Umarmig vom Pontifex
Jo will denn die vo em no Sex?
I sim Alter und sim Titel
wär Valium scho es Uufputschmittel

Sex isch bi em so fehl am Ort
Wie zum Biispiel Leistigssport
De Ratzi chäm uf em Zahfleisch aakroche
Wör er wie de Woods täglich 18mol loche.

Woher d’au chunsch, us welem Egge
Gott, es wird mer ehrlech z’bunt
Muesch di denn cheibe warm aalegge
Wenn denn emol de Couchepin chunnt

Wärsch worschinli schlimmer dra
Chäm vor em scho de Blocher aa.

Do seit e Stimm, i sölls positiv gseh
I zahli jo jetz kei Prämie meh

I dem Moment setzt d’Batterie
Vom Herzschrittmacher wieder ii

I seg Amen und Schalom
Insch Allah und Aom
Öb’s en Gott git oder nicht
I säg: „Mit Sicherheit - vilicht!“

No eis, liebe Gott, oder wer au immer
Isch d’Hutter würkli– „Nei, es isch schlimmer!“