Schnitzelbängg

Auftritt 2009
Auftritt 2007

In nomine patris et filii et spiritus sancti

Us em Biblische Stelleazeiger
S’Bildigsdepartement vom Kanton St. Galle suecht Pfärrer Metzger oder Schöfer
schliessli seg fascht jedä besser, als ihren oberschte Schlööfer.

Bösi Zunge munkled zwor schoo,
d’Lehrer seged froh
dass eine wo döt obe huusi
entli au mol pfuusi!

n Düütschland säged scho fascht all
d’Regierig seg en Sauestall
Z’oberscht hockt au d’Merkel
und grünzlet scho wie es Ferkel

Wenn d’Merkel zu üs chunt, denn heisst dä Tipp
bliib joo di hai, es chunt d’Frau Schweinegripp!

Brief des Vatikan an Vati Kahn
„Nur so ganz am Rande
man brünzelt nicht hinter die Bande“
Antwort:
„Was Vatikan – es wird mir Angst und Bange
kann Vati Kahn schon lange!“

Wennt a dä Haltstell en Schott gsehsch mit Huet
wartet dä uf en Bus wo dä Automat nöd tuet!

Do häsch z’St. Galle gueti Charte
oder händ ihr scho mol so en Schott gseh warte?

Fühlsch di jung, fit und dynamisch
fascht so, wie went no eimol zahnisch
master of saiens, am bergli studiere
denn, jo denn dörfsch di mol a dä vbsg fahrplän probiere.

Went Banker frogsch ob sich’s schaffe lohni
sägeds  - jo, am Schluss do gits jo Boni
verblüfft händs scho glueget wo dä Bonus denn isch cho
und sie statt Gält bebrennbari CD’s händ übercho.

Brief der Metzgermeister ans Bundesamt für Gesundheit
„Went d’Gripp häsch, häsch Schwein gha“

Z’Lybie hocket sit meh als mä Johr
zwei Schwiiter umenand und chrümmed kei Hoor
Mir behaupted, die wäred niemols so lang gsässe
hetteds nöd i dä Schwiiz ihri CD vergässe.

Auszug aus dem Testament von Jacko
„Da isch aber schaad
i han halt kei Schalet in Gstaad“

I dä Migros chasch etz Salot chaufe
wo vo Frankriich här chunt und selber cha laufe
Dä Frosch im Büütel söll z’fride sii, gänd mir ihm als root
Will in Frankrich wür gfrogete „was macht a mim Frosch no Saloot!“

5. Brief der SVP an das Bundesgericht:
„Verbietet den Burkahalter“

Ich bin dä Töneli Brünneli
Schäff vo dä Partei mit Sünneli
Di Schwule i üsere Partei mached mir kei Sörgeli
die schloofed wie ich bis zum Mörgeli.

Auszug aus dem Gästebuch der Brauerei Schützengarten:

wenn dä obama würd es glas voll neh
hets obe druff en schüche schumrand wiis wie schnee
s’getränk – iwo da isch nöd schwer
ischs s’schützegarte schwarze bär!

ganz anderscht usgseh tuets bim meister jacko
dä isch zwor au mol schwarz gsii vo chopf bis sacko
doch hützutags, en schlimme bengel
suuft dä nur no schügas wiise engel

bösi zunge wönd sogar wette,
es seg nöd wäg em bier, sondern wäg dä ettigettä

us em tiwi:
D’Sibiill seit zum Studi „oooh –
ich tue so uf dä swenboy stoh
do seit dä studi „los du blödi ente
ab dir wird dä swen weder heiss no al dente!“

Am Flughafe im Amiland chömed Nacktscanner ane weisch
damit mä cha luege obd schöni unterhose traisch
Als Kontrolleur hinter em Bildschirm sitzt dä Tiger Woods
will dä erkennt in Amerika eh jede Fuess.