Schnitzelbängg

Min Ma isch en Engel. Er isch ja so froh.
Da häsch es du guet, mine läbt immer no.

Ich gseh min Maa all de Fraue nah laufe,
debi sett er ja nume es Pfündeli Chaufe.
Mine chani problemlos la gah.
Er mag au abwärts scho lang nüme nah.

Wer regelmässig verseit, isch au zueverlässig.
Lieber masslos als nume mittelmässig.

Lieber Obermupf statt Niderbipp,
lieber Hüehnerhuut als Schweinegripp.

E Nummere chliiner wills d'Angela Merkel,
die nächschti Gripp heisst denn Morbus Ferkel.

Wie wärs, es Rauchernaturschutzgebiet,
wo me Zigi um Zigi hindere zieht,
abgsonderet hinderem e schwere Hag,
mit Carfahrte chämed dänn jede Tag
en Huufe Interessente uusgibig go stune
wäg bruune Zäh und eme bruune Duume.

Hinderem Hag under sinesgliiche
wär de Friitig dänn de Tag vo de Liiche
Mit Chrebsbouillabaise und eme Glas Rote
Und eme Rauchopfer für sämtlichi Tote.

De Tod isch eifach unwiderstehlich.
Dä, wo z'letscht lacht, stirbt wenigschtens fröhlich.

Und me tuet turne bis zur Urne.

Vor em Himmelstor e Riesemasse
vo Blondine, s' isch nöd zum fasse.
Da frögt en Erzengel de Petrus:
Was isch denn los , vor de Türe uss?
Dä seit troche: Was ich da tue leite
isch die gröscht Rückruefaktion aller Zeite.