Schnitzelbängg

Ölig I
S'Tunis säged's am Ben Ali
Los du Beni hau ab dalli
Au Eqypte schickt de Alti
Hosni furt ganz ohni Gwalt – Sie
Jetz frog i mi, wie lang's no brucht
Bis unser Herr sin Beni "abruft".

Nu bi de ölige Saudi – händs im Harem no s'Gaudi

Ölig II
De Mubarak sait zum Muhammar
Hoshianna da isch scho de Hammar
Woni im Turban und d'Frau i de Burka
Zur CS heisst's – "no mask" – wäge Schurke

De Muhammar betet um Asyl – bi Allah

Probiers doch "gad as" Affe-Mumie – z'San Galle

Wahljahr – oder Wohljohr
Fasch scho biblisch lang isch de David Magistrat
Dä Sesselkleber mutiert bald – zum Eugen Goliath

Au de Pöuli Rechsteiner – die Langzitkopie
wött's no länger mache und witer z'Bern si
Bi soviel männlicher Stand-Energie
Git's zum Sitzigsgeld bald "Viagra" Sie

SP – Ständigi Parlamentarier

In Italia hätt die "pilla blue" sit Johre "tradizioni"
Vor allem wäg de lange "Bunga-Bunga"-Sessioni

BR
150 Johr – für en tüfe gsunde Schlof
Do bruchis – seit Bico – viel Wulle vom Schof
Jetz verstoni de Tüfschlof im Bundeshus – gopf
Sovil Schof – da git mega Wulle im Kopf!

De Schneider isch – chum do – befange
De Ueli chasch scho lang lo hange
De Welsch hätt wie no nie agfange
Do frogt mi Frau – wär isch dänn gange?
---
De "Moritz" blibt no dra – Sie verstehn ja

Bi dänne schöne Bluete – vo de Implenia.

Number one
Calmy, ma chère, calmy – smilt de Deiss
I bi jo nu i de UNO global Nummer eis.
I like die viele Problems – ohni nüt as Schweiss
Vo de CVP bini alles gwöhnt – au de ständig Mais

CVP – Christlichi Verwechselpartei

De wirblig Müller meint am Bodesee
As "Chalb" zelli scho lang zur SVP

Abhaue ohne Transferperiode
isch e typischi Fussballer Mode

SVP – Stimmvolk-Prolete

Bim Wahlslogan vo de SVP
stimmt öppis eifach nöd – he!
Ei Wörtli fehlt – kurz und knapp

Euro
Sit de Irlandwahle isch mir jetz klar
Üse Gallus "definitiv ein Ire war"
Au de neu Präsident regiert ohni Penny
und heisst wie mir – los: "Enda Kenny"

Öppis andersch isch es in Griecheland:

Scho de Diogenes hätt – so sind's die Grieche
ime Fass ohne Bode gwohnt – do chasch nüt versieche.

Vasella
Also losen – liebi Aktionära  
mine Lohn isch tüf und a faira
Müend nu emol selber alli Pilla vo üs zella
Dänn gsehnder: i tuen dütli weniger wella

SG – "Sälber gschuld" oder "Spar-galle" 
Jetz will d'Hilber uf die alt Poscht verzichte
D'Hanselma nuno ei Kasse irichte
De Kölliker a paar Schuele gschlüsse
D'Keller Sutter mit chlinere Pistole schüsse
und de Würth spöter cho – ohni Aperostart
nu d'Fasnacht ohne Gehrer wär em falsche Ort gspart

Apropos spare oder "sälber gschuld"

Im Migros gits Budget – au bim Coop goht's all abe
De Aldi hätts immer so – öb für Kuchi oder zum bade
Min Tipp: wöttsch alles no viel billiger ha,
jo fasch gratis – gäll Oehler – frogsch d'AFG a.

Wöttsch i de Stadt dini Chöle spare
Muesch eifach s'ganz Johr "öV" fahre

FCSG – Früh chumm – spuel Geld!

"Lieber Früh as spot" – bis au em Früh z'lang goht. 

Z'ersch viel Forte Worte
Dänn – "ohne Worte" fort – he!

Interimi – chunnt jetz ini
de Contini – as Trainer-Mini

A de WM in Garmisch goht's de Schwizer bschisse
Nu grad de Cuche hätt i Silber bisse
Füf Mol "Leder" da isch Pech säged Cheffe
Bim FC wärsch froh würed's Leder treffe

Nati
Bime Penalty vom Alex Frei
Loasch s'Goal am gschidte grad allai

Blatter
Schwitzt de Blatter
Bald in Qatar
Isch er uf jede Fall
nöd bim Tschutte am Ball.

I bi de Blatter-Seppeli
und überall gekannt
as figelants Päppeli
und Fifagant.

SRG – Schawinsky Roger – de Grösst
"Ich find's guet" – so ghörsch dä Schlawinsky
Dä Player und Schnorri à la Klaus Kinsky
Dä mega egozentrisch mediali Blender
Dä grossi Plagiator uf jedem Sender
Mit däm sim gschliffene Züri-Mundwerk
Füllt dä Bibliotheke à la Guttenberg.

Da chani nume säge: "Roger – over"

HSG – Ha sälber gschriebe.
Chasch hochdütsch lese, schwätze, schribe
Und alles unter dim Name vertriebe
Bewirb di bi de CSU
Die suched grad sone Minischtler wie du
Und stosch bim Zitiere emol am Berg
Schribsch eifach – von "zu Guttenberg"

Lieber e Zwerg uf eme guete Berg
As de Zwerg vome z'Guttenberg

Marktplatz/Bohl
Scho wieder es Jahr und "waseliwa"
No immer stoht üsen Calatrava.
Jetz git's dänn aso z'Winkle es Calatrawece –

So chönd d'FC-Fans dött ihren Saich abge.

Marktplatz-Latz-Satz
Marktplatz oder Parkplatz
Spatzplatz oder Blattplatz
Fahrplatz oder Sparplatz
Werkplatz oder Wortplatz
Fortplatz oder Wartplatz.
… oder i eim Satz:
"Logo, hätt do jede sin Latz;
bis Plän zum Platz wieder für Katz!"

Promi I

Awards
Awards für Miss Swiss, Miss Kiss, Miss Mieder
vor allem Glamour, Glitzer und künstlichi Glieder
Häsch e neui Bruscht vome falsche Fabrikat
Isch das e sogenannts – Implagiat

Promi II

Wetterfrosch
De Number one vo de Wetter-Freaks
Macht s'Meteo jetz uf Fikileaks 
Da segs schliessli wan'r em Beschte chön

Benevolenzia
Früener bisch as Mönch zruck id Einsiedelei
Hüt chasch wette, s'schloft keine allai. 

Und wänn's richtig schö tuet – sex no meh fun.

Promi III

Marriage
I love em Prince sini sweety Kate
What a couple – she has – simply great
Träumt voller Luschti
De Schwede-Guschti

Espresso
De Cimbali schribt Nestlé "Ma que – Permesso
Wer hätt's erfunde – il vero espresso
Questo Hollywood-Clooney? – ma che fai
"Espresso" ritorno – sí. Ciaò, Giorgio, dai! 

Güggelvers
Hani wieder emol Luscht ohni
Frog i d'Hühner vom Berlusconi

Und isch mine emol em lahme
Lon i si halt besame

Eini vo mine Waffe, sind mini Hühner dahai