Schnitzelbängg

Assange
du kasch di Zyt im Internet verduuble
fir's Buschi kasch e Name usegoogle
änglisch isch toll – nit nur fir Freaks
sinn Pämpers voll – saisch aifach - Wicky Leaks

Assange – das kha kai Sau usspräche
elai scho das – sig e Verbräche

Pro Spezie Rara
im Daniel Studer vom kunsthisterische Museum gwidmet
d'Raucher – sait der Studer zu de Clara
das isch e klare Fall – Pro Spezie Rara
drfir sin's konserviert - sait druff die Scheese
und inne balsamiert - wie d'Schepeneese

HSG - Schöflisegg – Seegerbar – Wyber – Summa Dumm Gaudi
Trämmli - Trämmli - Trämmli - Trämmli
Trämmli - Trämmli - Trämmli - Trämmli
Trämmli - Trämmli - Trämmli - Trämmli
dä Värs - dä hani - gschtoole – nämmli

Eugen Auer
dr Eugen Auer - jä Sie – so Sache gits
trifft de Prince Charles – im scheene St.Moritz
dr Charles dä sait zem „Eugen“ - ohni z'liege
dr Uri Geller kennt uns baide d'Löffel biege

Genmutierti Bisamratte
mi Bisamratte het e gaile Hoorschnitt
e Premium Membership drzue bim Parship
e Vorschlag hänsere gmacht – verliebt sin baidi
jetzt schiilt sie nur no uff's Oppossum Heidi

s'Heidi sait zem Roger de Weck
du luegsch main-i au ganz keck

Bischof Mixer
vom Bischof Mixer – hätt-i do no ain
nur find-i vo däm Mixer – fascht kai Raim
dr Bischof sait sait zu mir – und jetzt muesch loose
me sell de Fall - uf kai Fall - z'fescht uffbloose

Paul Rechsteiner
dä Sässel vom Rechsteiner git-mer z'griible
zyt 25 Joor kläbt dä am Fiidle
jetzt schielt dr Päuli uff de Ständeroot
dä waiss glaub nit – dass det au kaine schtoot

Toni – lueg emol die Höckli a
bau doch det e Stöckli dra

in Ständeroot – das isch nit doof
125 Joor Bico
fir e gsunde Tiefe Schloof

au de Giezedanger – mit sinere Glatze
woggt e Sprung uff die Matrazze

FC Sanggt Galle
dr Ulli isch nit so Forte – dä muess jetzt go
drfir isch dr Albert Nufer wiider do
jetzt git e Zircher bi dr Mannschaft Gas
und dr Nufer kümmret sich gekonnt um's Gras

Magreb
dr Mustafa – dr Achmed und dr Ali
die sage im Ben Ali – tschüss und saalli
de Caddaffi haig im Bunker – ganz tief unde
im Merz si Biberflade ändlig gfunde

dr Caddaffi sait em Achmed
wo isch de Kaffi – lach ned

in Charm el Scheich
isch Arm e Saich

Justizia
i ha de Berlusconi gfroggt – los Digge
wiso – losch du di am Gricht nit bligge
waisch Louis – sait do das Alpekalb
die Richterinne – simmer aifach z'alt

dr Richterinne sitze vorne ooni - Berlusconi

Thomas Müller
s'Dängge machtem Kummer und au Sörgeli
das macht ab jetzt de Brunner und de Mörgeli
dr Thomas Müller - kunnt scho voll in Gnuss
vom tolle Angebot vo 60 plus

Ueli Murer
dr Ueli Murer schafft im Ghaime mit der Migi
Made in China – s'isch gemainer als e Zigi
Nano-Mania - die dien so härzig rugele
und fir d'Schwyzer Manne het's no drinn e Kugele

dr Simmi sait uff de Schanze
wär nit springt – fliegt uff de Ranze

Kille
aimol glooge – git als Buess e Vaterunser
zwai Vaterunser git's drzue – fir Public Brunser
drei „Mea Culpa“ fir e Griff vom Pfaff in d'Hoose
und offiziell – 5-tuusig Schtai fir's Bloose

Silvio Berlusconi
Bunga – Bunga - alte Wy und jungi Wyber
dä het scho rächt – das sinn die beschte Zytvertriiber
und d'Ruby sait – wyt wägg vo Lampedusa
du Berlusconi - gopfridschtutz – dä lambed usa