Schnitzelbängg

Kenned Sie da Schprüchli no:
Chemifäger, schwarze Maa,
hät e ruessigs Hempli aa,
nimmt de Bäse und de Lumpe,
macht di böse Buebe z'gumpe.

worom eigetlech bloss bösi Buebe und Chemifäger?

Meitli, gang nöd z lang in Wald!
's Sechsi-Glöggli lüütet bald!
Und züch de Pulli öber de Buuch,
sös gsehts de Pfarrer henderem Struuch!

Mädele, Mädele: bleib mir brav!
Wenn du wach bist und im Schlaf!
Hörst du, Mädle! Denk daran!
Sonst holt dich der Kachelmann!

Attenzione, Signorina!
Soprattutto in piscina!
Dunque niente "oben ohni"…
se no … ti prende Berlusconi!

D Migros, de Coop und de Spaar
die jubled sit em Januar,
sie heged a d Konsumente tenkt
und tuusigi vo Priise gsenkt!
Da seg, me wärd's uf d Längi gsee,
nochhaltig guet förs Porpmonee!
s Kefir und au d Gschmacks-Tomäätli,
en ganze-n-Huffe-n- Apperäätli,
d Chips und d Windle, d Züni-Wörschtli,
de Bio-Tee und d WC-Börschtli
s B...Bündnerfleisch, de Henderschingge,
s Chili-Popkorn, d Chenderfingge...
...und no vill vill me, da seg
billiger worde, well's abgschlage heg

Gälezi, da weiss scho fascht jedes Chind,
dass da abgschlagni Sieche sind!

Am Fasnacht-Samschtig, - 's isch wörklech ase:
i de Migros Berge vo Oschterhase!
I glaub, dasch sicher es Verseh;
die hät s doch sös scho a de Wienacht ggee!

Nei: de Calatrava isch nöd för d Chatz!
Stelled en uf de neu Bahnhofplatz,
well er döt es Tach sii chönnt
för alli Süffel und ehri Hönd.

Dampf im Kessel
Worom häpme för Pfasnacht nöd meh öbertrebe
und LOCK-REMISE mit Zecka gschrebe?
Denn säss doch menge döt ame Tisch,
wo öberhopt no gär nie döt ine gsii isch,
well er gmeint hät, döt ine seg "DEKORIERT"
und s wärd obe-n-ohni und bare Födle serviert.

Etz will de Gehrer - en huere Schmarre -
au bim Slogan  "St. Gallen kann es" spare!
Als Ersatz heg er Chläber trogge loo,
wo's heisst: "Mesinddennonodoo!"

Noch em Mätsch gsehsch ein mit verschlagnem Grind;
eme verbrennte Bagge, uf eim Aug halb blind;
aber er lächlet, vo Schmerze ka Spur!
Er seg äbe Beuftreite för Fän-Kultur.