Schnitzelbängg

Ich ha mer es ganz neus Auto kauft
Wo ohni Benzin oder Diesel lauft.
Do bruchsch nu no Wasser zum vörschi cho,
Also Wasser us em Golf vo Mexiko.

De Walter Roderer wird Italiener
döt segs für ihn halt viel viel schöner
mit junger Frau und als Komödiant
gits vom Berlusconi es Ministeramt

De Papst macht jetze ein uf Clown,
erlaubt sine Schöfli zmol Kondom.
Also nur für Spezialfäll segs anerkannt:
zum Bischpiel für Priester und Ministrant

Wie korrupt sich d‘Fifa verhaltet
Hett Wikileaks gern online gschaltet
De Fifa-Server hends schnell chöne hacke
Aber d‘Geheimsproch chönds nöd knacke
D’Übersetzer verstönd nu Gequitsch
vom Blatter sim hüerä Walliserdiitsch.

Zmitzt im Uriniere hät de Urimat sich gsenkt
Jä nu, fahrsch halt mit, han ich do denkt
S’isch zwor en Seich, cha mi nüme verpisse
Aber immerhin goht‘s mer nöd verschisse

Ich heisse Eveline Widmer-Schlumpf
Ich gsehn guet us und bin guet im Strumpf
Ich ha Pfeffer im Arsch und bin luschtig, weisch
Denn schliesslich bin ich us Bü-hü-hündnerfleisch.

So sind Bundesratssitzungen mit 4 Frauen:

Käffele, schnädere, echli verzelle,
Lisme, höggle, Orangehuut schele,
Choche, wäsche, Bese benutze,
De Bode schrubbe, poliere und putze.
Das findet mir guet, das isch voll o-kee
So bruchsch im Bundesrot kein Blocher meh

Und zum Schluss noch ein paar „Ladärnä-Versli“

Häsch zum Guttenberg kein Spruch parat
macht nüt, bringsch halt es Plagiat

Jetzt will i sie, söss isch es too late
Denkt de William und hürotet Kate

D’Melanderfarm vom Hansi Raab
Goht scho zum zweitemol bacha

De neuscht Gotthard-Song isch ganz en derbe
E Cover-Version von Stifeli muess sterbe

Uf Street View vo Google
Gsesch wie Striit händ bim Kugl

Jasmin Hutter ist schneller Mutter als Keller-Sutter.

De alti Sack, de Mubarak,
Goht Ägypte uf de Sack.

Gadaffi sait zum Berlusconi
Din Harem isch denn au nöd oni.

Willsch en Ohreschade haa
Spielsch ganz lang Vuvuzelaaaaaaaaaaaaaa